Den cayanan di Dadelstraat na Tarabana pa Dakota diabierna anochi a surgi un problema formal di pareha unda e homber a maltrata e muhe seriamente te lage herida. E problema a pasa riba caminda y personanan cu a mira esaki a informa y aki patruyanan a presenta di biaha.
E oficialnan a topa cu tanto e homber y e muhe riba caminda, e dama na sanger tabata grita y yama familiar pa ayudo. Polis a tuma dato di e homber pa saca afo kico a pasa, y oficialnan a bay combersa cu e dama tambe y aki a tuma e decision di detene e homber pa agresion. Ambulance a presenta pero e dama tabata nenga yudansa medico y un rato a bira fresco cu oficialnan. Despues cu a detene e homber a bay over na detene e dama tambe, pasobra e dama tambe a golpia e homber durante cu e tabata haya golpi fo’i e homber.