Polisnan a keda dirigi diasabra pasa di 11’or di anochi cu urgencia pa Boroncana unda habitantenan ta raporta un pelea formal entre un homber y un muhe y tin un señora benta riba caminda na sanger. Na yegada di patruya ta topa cu un señora riba caminda drumi ta keha di dolornan y na sanger, esaki a pone cu a dirigi ambulance tambe. Dama ta conta el a haya problema cu e homber y aki e homber a batie formalmente lagando e tur na sanger y a bay cu un mucha chikito. Polis a bishita e cas unda e homber ta keda pero nada di dje. Na e sitio ambulance a presenta y aki paramedico a atende cune y a keda transporta pa hospital. Recherche tambe a keda notifica di e caso serio aki.