Pa algun dia caba asistencia di Polis tabata ser pidi pa un cas na Cumana poco pariba di e rotonde Tarabana caminda tin un homber no bon di cabes ta lanta cu e famia. Algun dia atras e homber a raporta cu e famia tine secuestra.
Pero tur cos a cambia diaranson mainta ora cu e homber a cuminsa cana cu cuchiu den man menasa e famia den cas di cual cu ta señora hende grandi. E señora a bay sconde su curpa den camber y raporta na Polis. Patruyanan a yega basta lihe debi cu e señora a informa cu e tin un arma blanco den su poder, y e homber lo tin un malesa cu ta pega. E oficialnan a trata e persona cu cautela y detene debi cu e tabata basta razo mes, y ambulance a presenta pa atende cune.