Diahuebs prome cu 11or di mainta riba tereno di dump na Parkietenbos a sucede un caso cu a bay for di man entre dos homber unda a kap otro cu un machete. E victima a keda herida y den auto particular a hiba e homber herida pa hospital. Polis a keda informa di biaha di e caso y a haya sa kende ta e sospechoso y a bay te na su cas na Madiki pero no topa cune. E homber rato despues a entrega su mes na warda di Polis Oranjestad. E victima a keda atendi di biaha pa dokternan na hospital.