Diadomingo prome cu 9’or anochi un personal di ambulance na Post Wayaca tabata preparando e ambulance sinta patras pa asina cuminsa sali. E personal sinta patras a sinti porta dilanti dal y e ambulance riba un speed halto ta sali cune pero ora el a wak ta un persona desconoci y asina via su telefon a cuminsa pidi yudansa di autoridad y via di radio.
Na prome instante autoridad a keda informa cu un persona a pasa man den e ambulance y horta pertenencia.
E sospechoso a bula tur drempel cu el a haya den Wayaca cu e personal sinta patras. Banda di Wayaca supermarket e sospechoso a para e ambulance y sali core bay drenta un compleho di apartament. Personanan a informanan unda e sospechoso a bay y asina polisnan a tene un buskeda grandi den e area pero sin ningun resultado.
Debi cu e ambulance tin camara a graba tur e movecion di e sospechoso con e tabata trip cu e auto y a pasa e grabacion pa Polis.