Diahuebs atardi riba L.G Smith Blvd chauffeur di un toyota prado a dal den un auto y a sigui core bay. Un persona cu a mira e accidente a keda core su tras y notifica Polis. Parce riba caminda principal e prado a dal den mas auto. Na e rotonde di Pos Chikito polis a logra para e auto, net ora a bay pa pare e chauffeur a dal basta duro tras di otro auto. Asina polis a bay over na detene pa hit & run y na warda lo a pone pasa un test di alcohol. Mientras cu polis ta tumando dato mas persona a yega informando polis cu e auto a dal den nan hasta turista a bira victima. Daño material tabata basta. E auto a keda tuma den beslag.