Diasabra atardi na un cas na Nuñe a surgi un problema entre un mucha muhe di edad hoben y un homber cu ta conoci pa train hobennan den mundo di deporte y consecuencia esaki a bay for di man y e homber a hinca e mucha muhe na su pianan y a cuminsa sangra. Polis a presenta di biaha na e sitio y a topa cu e mucha muhe herida y no tabata sinti su pianan y aki a solicita ambulance pa presenta.
K9 unit tambe a presenta debi cu tabata cerca pa duna un man y cuminsa busca e sospechoso maske cu tin pista caba di kende e homber ta. A notifica recherche tambe di e caso. Ambulance a presenta y aki paramediconan a brinda asistencia na e victima y a transporta e mucha muhe pa hospital pa atencion medico avanza.