Diasabra marduga central di polis ta haya un yamada di un homber cu nan lo a caba di agredie bandi e veld di RCA. Di biaha un patruya di playa ta bay na e sitio y ta topa cu un homber tur bati. E homber ta conta polis cu e tawata den Sividivi ta dal drinks y ey den e la topa e pareha cu e no conoce pero den e trip nan a cuminsa papia.
Ora e homber a sali pa bai cas e pareha a pidie e homber un lift y como un hende di bon curason e homber a duna nan un lift. Nan a pidi e homber pa nan tur bay na Cas Casuela pero homber a bisanan cu no e ta cansa e kier bay cas bai drumi e ora nan a bise hiba nan na un cas na Sero Patrishi pero a homber a bisanan no mas lew cu e por yega ta veld di RCA.
Ora e homber a baha nan eynan e pareha a baha for di auto y cuminsa agredi e homber formalmente. Nan a usa boter di cerbes, pida palo, te hasta e cabes di stoel di auto nan a usa. Ora nan a caba nan a cana bay na pia. E homber a keda malamente herida y ambulance a presenta pa atende cune. E homber no ta sinti falta di nada e momento ey.
E homber ta Venezolano y a keda masha disgusta cu ta su mesun paisanonan un pareha Venezolano a haci e cos ki cune. E homber tawata basta emociona ja cu e kiermen e la bai hasi algo di bon curason y esaki e la haya como danki. E ta comenta cu e Aruba ki no ta mane antes mas ora e la bin Aruba. Polis tambe a bise cu awendia bo no por confia yun hende mas. Polis a tuma dato. Y mayan mainta e homber lo tin cu bay haci denuncia na recherche pa por cuminsa un investigacion.