Riba e caminda di ex Rondweg Caya Papa Juan Pablo2 na Dakota un homber coriendo den un mitsubishi pajero a perde control y dal frontal den un troncon di un mata di kwihi. E impacto tabata basta fuerte cu e airbag a sali y e homber tras di stuur a dal su cabes duro contra di e stuur.
E homber a sali for di e auto tur na sanger na grito ta pidi ayudo. Polis a yega di biaha na e sitio y topa cu e situacion. Ambulance a keda solicita cu urgencia y a presenta di biaha unda paramediconan a brinda asistencia medico na e victima y a keda transporta pa hospital. Debi na e situacion polis di trafico tambe a presenta pa tuma dato y haci nan investigacion.