Diahuebs mainta riba e caminda di Boegoeroei patruya di Noord a duna chauffeur di un nissan march señal pa para pero esaki a nenga y despues di rato e auto a para y un homber a sali na coremento. E homber a ranca un careda bay direccion pabou, y aki polisnan na persecucion tras di e sospechoso.
Polisnan a core un bon pida tras di e sospechoso y despues di rato a logra di pone man riba e homber cu tabatin un tas chikito den su poder, tabata desconoci si e tabatin un arma di candel durante e persecucion.
Hunto cu ayudo di otro polisnan y recherche di Noord cu a drenta accion a pone man riba e homber. A tuma e tas den beslag, y e sospechoso a keda transporta pa warda di Polis.