Diamars den careda di 5’or di mainta alarma a keda bati na un cas na Babijn cu famia a bin haya nan ser keri benta abou den baño no ta reaccionando. Di biaha a mobilisa ambulance y polis cu urgencia pa e sitio. Paramediconan a topa cu e curpa benta abou y a traha cune pero tabata envano. Polis presente debi na algun detayenan importante a notifica autoridad competente manera departamento forensico presenta pa saca potret di evidencia pa pone recherche na altura. Personal di slachtofferhulp a keda poni na altura pa acudi na e cas pa yuda e famia. Mainta auto funeral a presenta pa busca e curpa sin bida.