Diabierna bahada di solo un homber a reporta na autoridad cu e tabata piscando na cabes di Aruba na e barancanan cu su amigo y ora el a bay bin bek na su auto y su amigo a move un rato el a haya falta di e amigo cu no a regresa bek despues di rato. E homber a cuminsa cana busca su amigo y sin resultado y a bati alarma na autoridad.
Patruya di San Nicolas di biaha a presenta n’e sitio, e oficialnan a cana na rand di baranca y controla den mondi pero no a topa cu nada. Helicopter a lanta vuelo y a keda dirigi pa pariba di Aruba, y durante e prome buelta e oficialnan den e helicopter a topa cu un curpa sin bida ta drief na e costa pabou di cabes di Aruba cu ta net pariba di santana di cacho.
Di biaha e helicopter a aterisa e oficialnan a saca e curpa sin bida fo’i awa y a notifica pa tur persona presenta n’e sitio. Posibelmente e persona canando na canto di e baranca lo a cay y asina drief y cu e lama su coriente a bente n’e costa di santana di cacho.
Recherche a presenta pa haci nan investigacion hunto cu departamento tecnico y e dokter cu lo haci autopsia n’e sitio mes.
Polis a bay cu e amigo na warda, y e casa a presenta n’e sitio.