Diabierna atardi den Fiyostraat e caya parti tras un homber cu ta biba den su auto a bay bin bek y haya su auto completamente na candela. Di leu por a mira huma preto bay halto, prome patruyanan cu a presenta na e sitio a cera e caminda di biaha y a papia cu e homber cu tabata den e auto.
E homber a menciona na autoridad cu el a bay bin bek cumpra algo y a bin haya su auto na candela, debi cu e candela a bira grandi el a te hasta pega mondi na candela y tabata menasa casnan den e area.
Habitante cu slang den man a cuminsa tira awa riba e candela evita cu esaki ta yega pega cu su cas.