Diaranson polis a keda manda pa un cas na Seroe Blanco unda un homber lo ta maltratando un señora feroz. Gritonan tabata sali for di e cas unda habitante a raporta na polis y e señora herida tambe a yama pidi yudansa di Polis. Na e sitio polis ta topa cu e señora su cabes na sanger.
E señora tabata keha di basta dolor, e homber lo a bati e señora su cabes na muraya y despues di e acto a bandona e sitio manera cobarde pa no keda deteni. Ambulans a acudi na e sitio unda paramedico a atende cu e señora y a keda transporta pa hospital.