Diahuebs marduga un homber a baha fo’i su auto na Santa Cruz y ora a bira wak ladron a subi su auto y trot bay cune. E homber a haci denuncia na autoridad esaki a sosode patras di Taco bell den e area. Polisnan atento riba caya a topa cu un Hyundai tucson coriendo basta duro den area di Pos Chikito y a bay su tras y tabata e auto horta.
A sigui su tras na un distancia y no ne manera pa caba na accidente debi cu ta cauteloso cu e autonan nobo pa no haya tik op de vinger. A chauffeur tabata paga y cende luz pa confundi e oficialnan pero a sigui nan tras.
Den e caminda di santo di Jamanota e chauffeur a perde control y a drenta mondi cu e auto y a core drenta mondi na pia lagando e auto atras. Debi na scuridad y e mondi cu tin polis no a topa cu e sospechoso. A tuma e auto den beslag.
