Holland House: Punto di asistencia pa trece negoshinan y exporta productonan pa Aruba

0

E delegacion a reuni cu Holland House. Holland house ta e camara di comercio Colombia-Hulanda funda na 2013. Actualmente e ta conta cu 200 miembro di cual 10 ta di Aruba. Tambe nan ta ofrece e posibilidadnan si companianan cu ta bishita Colombia kier un espacio algun dia pa haci negoshi.

ATA ta den board di Holland House (HH) y ATIA ta un di e miembronan. Holland House ta organisa e eventonan na diferente ciudad na Colombia y por yuda compañianan na Aruba pa presenta y haci negoshi cu Colombia.

Minister di Finansa, Asuntonan Economico y Cultura Sra. mr. Xiomara Ruiz-Maduro a splica riba e meta di e mision economico na Colombia y aki a acerca Holland House cu lo por tin un rol importante den asisti pa asina por logra trece negoshinan di Colombia pa Aruba.

Holland House por ofrece diferente forma di asistencia pa promove tanto exportacion di Colombia pa Aruba pero tambe cooperacion entre Colombia y Aruba riba diferente terenonan. Ademas ta duna asistencia pa atrae inversionistanan pa Aruba.

Algun limitacion ta e gastonan di transporte, standard y revulacionan cu mester mehora na Colombia, e capacidad limita di Colombia pa exporta aunke ta trahando ariba esaki, poco conocemento di e mercadonan den exterior y specificamente den Caribe y aki Aruba por ta di asistencia. Mester crea si mas posibilidadnan di vuelonan y cargo entre ambos pais y haci uso di Baranquilla como puerto pa exportacion pa Aruba

Otro punto cu e delegacion di Aruba a papia e riba e posibilidad di usa Aruba como test bed pa technologianan di compañianan hulandes na Aruba.

Cartagena ta conoci como un ciudad pa eventonan internacional pero e ta limita. Aki a discuti e posibidadnan cu Aruba por brinda pa facilita eventonan y congresonan internacional tanto pa compañianan como institucionan internacional

Pa Minister Ruiz-Maduro ta importante ta pa promove Aruba di un forma proactivo riba e diferente terenonan aki y Holland House por asisti nos pais den esaki.

Comments

comments