Hogeschool Rotterdam kier a informa tur studiante di examenklas y nan mayornan como tambe studiantenan cu tin interes pa participa na e 21+ traject pa e unico anochi di informacion caminda e siguiente dos topiconan lo wordo trata:
21+ Traject di Hogeschool Rotterdam
Bo NO tin bo HAVO/VWO/MBO diploma pa bo por drenta un HBO y sigui e opleiding cu semper bo tabata kier y bo tin e dedicacion y determinacion pa sigui studia? Esaki ta BO chens, awo Hogeschool Rotterdam ta brinda bo e oportunidad pa participa na nos 21+ Toelatingstraject aki na Aruba mes! E trayecto aki ta consisti di un aanlegtest y maximo 4 toelatingsexamens. Si bo completa e trayecto aki cu exito, bo por drenta Hogeschool Rotterdam pa cuminsa e HBO opleiding di bo escogencia na September 2017 mes!
Pa por participa na e trayecto aki, bo mester tin e edad di 21 aña of mas riba 1 di October 2017.
“Subi Jet Pa bo Get” pa candidatonan cu ta den examenklas cu lo bay studia na Hogeschool Rotterdam na Augustus 2017
Bo ta den examenklas y tin pensa di bay studia un opleiding na Hogeschool Rotterdam na September 2017? Esaki ta BO oportunidad pa por participa na un curso di informacion hopi interesante, interactivo y leuk pa prepara abo y bo mayornan pa e paso nobo aki den bo bida. Un punto hopi atractivo di tur esaki ta cu participando na e curso informativo aki bo por acumula bo prome studiepunten prome cu bo yega Hulanda. Un oportunidad cu Hogeschool Rotterdam SO ta brindabo na Aruba.
Pa mas informacion nos kier a invita tur interesado pa bin e unico anochi di informacion cu lo tuma luga:
Dia: Dialuna 14 november
Info 21+: 5:30 – 6:30 pm
Info Subi Jet: 6:30 – 7:30 pm
Luga: EPI Auditorium
Check out:
Website: http://www.hogeschoolrotterdam.nl/21-jaar-of-ouder-zonder-diploma
FaceBook: http://www.facebook.com/pages/HR-Toelatingstraject-21-Cura%C3%A7ao-en-Aruba/490071011013816
Contactpersoon HR Aruba
Email: [email protected]
[email protected]