Bou di e brug bou di e brug Fransisco de Paula Santander, escenario di e tension diasabra mei mei di e intento pa e ayuda humanitario drenta Venezuela, hobennan ta mantene e lucha pa tin un cambio na Venezuela. Nan ta van plan di sigui cu nan resistencia contra di e Guardia Nacional Bolivariano. “Afo Maduro!”, nan tabata grita y ta duna un ultimatum: un respuesta concreto di parti di e comunidad internacional y e salida di poder di Maduro.
E hobennan ta duna tempo pa decisionnan wordo tuma, y si no tin decision pa un intervencion militar, nan mes lo actua. Pero cu nan lo no stop cu e lucha.
Dialuna tin un reunion di e Grupo di Lima, y tur hende ta den expectativa di kico lo ta e siguiente paso relaciona cu e situacion na Venezuela.
Colombia a cera su fronternan pa asina evalua cualkier daño haci den e disturbionan di diasabra y tambe sperando kico lo wordo dicidi den e reunion di dialuna di e Grupo di Lima, reunion cual lo tuma luga na Bogota, Colombia.