Hobennan ta topa cu persona sospechoso den cura di cas

Diadomingo, pa mas of menos 10’or y 10 di anochi, Central ta manda patruya na un adres na Tamarijn pa un persona fastioso. Eynan a bin resulta cu esey no ta e caso. A papia cu e habitante, kende a duna palabra na su yiu muhe di 15 aña kende tabata tin mas di bisa. El a splica cu e tabata pafo bao di afdak hunto cu su rumannan mas chikito, ora cu dado momento el a mira un sombra pasa entre e matanan den cura. Ora cu el a wak miho, el a mira un hoben bisti completamente na preto y tabata tin algo dilanti su cara. E homber a core bay patras den cura y a bula cura core bay direccio pariba. Patruya a bay controla den vecindario, pero no a topa cu ningun hende. E tata a declara cu ultimo temponan e ta mira hopi persona sospechoso ta cana den e vecindario.

Comments

comments