Central a manda patruya di trafico y surveillance na Pos Chikito pa un pelea. Un di esnan envolvi tabata tin un arma den su poder. A papia cu e denunciante yama L. y e victima S., kende a declara cu pa un tempo largo tin problema cu un grupo di hoben for di Pos Chikito. El a yega di haci denuncia caba na polis. S. a sigui bisa cu un auto Nissan Sentra color preto cu dos homber den dje a para banda di dje y a cuminsa cu un discusion. Dicho auto a bira y a dal intencionalmente contra di su Toyota Tercel blanco. S. a core drenta cura di e adres na Pos Chikito y a keda para bao di un palo. E Sentra despues a core bay y un rato despues a bin cu 6 hende den dje. E sexteto aki a baha for di e auto y a drenta y drenta e cura, direccion di S. Despues L. a cuminsa grita pa nan baha for di su tereno. Despues di un rato e hobennan a cana bay, drenta e Sentra y a bandona e sitio. Segun S., un di e hobennan a mustre un arma color preto. L. como testigo a declara cu e hobennan aki ta hopi jong y cu e hoben cu tabata tin e arma den su poder, tabata tin un carson cortico color blauw bisti, un camisa berde y tambe ta color cla, cu cabey gevlecht. Un otro hoben tabata sin camisa y tabata tin un jeans blauw tres quart bisti, color cla, cu cabey largo. Comandante na warda, Central y recherche San Nicolas a wordo poni na altura.