‘Dutch Caribbean Youth Art Festival’ (DCYAF) 2016 ta tuma luga na ‘Bonaire Youth Outreach Foundation’ den edificio di Trans World Radio.
Durante di e siman di 28 di November pa 4 di December 2016 lo haci un ‘Interkambio Kultural’. Talentonan di Aruba, Boneiro y Corsou lo bay mescla pa yega na un presentacion conhunto riba dia 3 di December venidero .
Un total di 4 hoben di Corsou, 2 di Aruba y 6 di Boneiro lo topa otro den e intercambio aki. E hobennan lo hospeda na Hotel Central.
Hobennan ganado di Gang di Arte, Jasmine Rustenberg y Paula Rafini, nomber di nan grupo ta “I Am You” a biaha diaranson merdia pa Boneiro pa e final di Dutch Caribbean Youth Art na Boneiro.
Na aeropuerto Reina Beatrix, drs. Siegfried Dumfries y Julie Merencia, respectivamente director y hefe di seccion di Implementacion na DCA a desea nan bon biahe..
Staf y personal di DCA ta desea nan tur cos bon na Boneiro..