Hobennan di Proyecto Formacion Social den pleno preparacion

Hobennan cu a drenta e Proyecto Formacion Social lo mester custumbra un poco cu e sistema nobo di bida militar. Y di eynan, poco poco lo aumenta e training, fisico y cooperacion.
Sr. Richard Kelly a splica cu ta siña e hobennan tocante norma y balor, di con ora di tin un cas, con pa cuid’e, e disciplina. No ta facil pa haya un luga pa biba den dje. Ta siña e muchanan di kico ta e balor di tin un cas y con ta miho, pa traha pe y bay pa miho. Den e caso aki, nant a cucminsa den e tentenkamp y alabes ta cuminsa e bida militar, unda cu dentro di poco nan lo ta den mondi. Aworaki nan ta den un tereno, limpi unda cu tur cos ta cerca. Pero si na su tempo nan lo ta den un edificio.
Mirando cu e generacion actual no ta esun di mas facil, e manera cu e hobennan ta haya nan opdracht, ta bisanan cu ta di tende y haci. Unabes cu nan bay haci’e na nan manera, e ta bira pio pa nan. Unabes cu nan tende y haci, cada biaha e ta bay miho. E kadernan tin experiencia, nan sa ki ora nan por escala e situacion, papia cu nan. Y esey ta haci’e mas facil pa e hoben expresa su mes di tur manera. E ta un opdracht di tende y haci. Ora ta wak cu e ta sinti’e fastioso, ta purba di papia cun’e, acerca e hoben di otro manera. Si por haya situacionnan, pero unabes cu haya situacionnan asina, ta separa e hoben di e grupo, motiva e hoben di otro manera y pa despues e bin bek den e grupo. Nada di hala atencion den grupo. Ya cu esaki por desmotiva e hoben, ya cu e ta sinti cu e ta un problema. Esaki ta evita cu e grupo ta ripara cu e grupo ta wak e problema.
E ta un manera pa un mayor motiva su yiu pa drenta e grupo, ya cu e ta pa su mesun bon. E ta un di dos oportunidad pa e hoben pa su futuro. E ta bon pa su mes persona, y e hoben ta haya tips & tools kico por haci uzo di dje pero e hoben mestr sa con pa haci su miho uzo di dje, pa su mes y su famia. Tabata palabranan di Sr. Richard Kelly, di ARUMIL.

Comments

comments