Hobennan Antiyano deteni pa sospecho di violacion den grupo

ROTTERDAM, Hulanda- Dos hoben Antiyano cu tabata pertenece na e gang di ‘Franselaan’, a wordo deteni diamars. Nan ta wordo sospecha di violacion y nan ta wordo sospecha di varios violacion den grupo.

En total ta seis hoben, tur di nan menornan di edad y di procedencia Antiyano, ta wordo sospecha door di polis. Hunto nan ta forma e ‘Gang di Franselaan’ y ta wordo sospecha di varios violacion den grupo. E victimanan ta hobencitanan, di 12 te cu 16 aña.
E grupo su nomber ta referi na e caya den cual un di e 6 sospechosonan ta biba. Dos hoben di e gang, e rumannan Geremy y Jermely B. a wordo deteni pa nan participacion den un caso horibel di violacion di un dama di 35 aña na Schiedam, na final di 2016.
E muhe a wordo viola door di e hobennan aki, den su mesun auto, na mas di un ocasion, ora cu e tabata bayendo pa su auto for di e station di trein Schiedam-Centrum. Na comienso di 2017, ambos sospechoso, e tempo ey tabata tin 15 y 16 aña, a wordo deteni. Entre tanto, nan ta liber atrobe.
E gang di Franselaan ta wordo sospecha di un of mas caso di violacion. Na final di 2018 un hobencita di 14 aña a wordo viola, y esaki a sosode na varios ocasion, den un zolder na Rotterdam-West.

AGRESION
Na comienso di e aña aki un hobencita na Schiedam a wordo ataca door di Geremy, segun polisnan. E victimanan tabata mas tanto procedente di Schiedam-Oost y tambe na nan scol. E grupo ta wordo sospecha di mas violacion, pero no mas cu e cantidad di victima cu ta dispuesto pa entrega keho ta hopi abao. Esaki ta debi cu nan ta wordo intimida door di e malhechornan. V Varios victima door di esaki tin miedo di entrega keho, segun un investigacion policial.
Algun di e sospechosonan di e gang lo tin e malesanan cu ta wordo transmiti sexualmente, cu nan ta propaga conscientemente door di abusa di nan victimanan sin proteccion. Den un comunicado polis a informa cu nan lo a detene varios sospechoso despues di dos persona a entrega keho.
“E investigacion ainda no ta cla. Nos ta sospecha cu lo tin mas victima y p’esey nos ta haci apelacion na nan , pa nan tambe bin dilanti y entrega keho”, segun e comunicado di polis.

Comments

comments