ALEMANIA – E extravagante rey Tailandes, Maha Vajiralonkorn, a wordo tira na su atras na Alemania pa dos hoben cu un pistool di airsoft. E rey tabata dal un ronchi riba bicicleta y manera semper cu poco paña bisti parti atardi. Esey ta segun medionan Aleman riba diaranson.
E dos studiantenan di 13 y 14 aña, a tira e rey riba e anochi di 10 di Juni, banda di 11’or di anochi. Riba e dia ey tambe e World Naked Bike Ride, a tuma luga. No ta conoci si e rey Tailandes pa motibo di e rason eynan e tabata core cu su atras afo.
Despues cu e security di e rey a avisa autoriddnan local, e dos hobennan a wordo hay pa polis. E duo a sconde den mondi. Apesar cu e rey no a entrega keho, tin un straf riba e Aleman di 14 aña. Despues ta sigui straf pa esun di 13. E monarca Tailandes ta pasa mayoria di su parti na Alemania, unda cu e ta hiba un bida di playboy. Vajiralongkorn aña pasa December a sigui su tata, e rey stima Bhumibol, a fayece. Riba su yiu, e poblacion ta skeptico: el a divorcia tres biaha, ta fiesta cada rato y ta bisti pañanan no apropia.
Un pistool di airsoft ta tira cu balanan di plastic y por ordo facilmente via internet. E arma en principio ta legal, pero na Hulanda, solamente miembronan di NABV (Nederlandse Airsoft Belangen Vereniging), por carga esaki.
Fuente: www.telegraaf.nl