Hobencitonan ta horta galiña y gai na Santa Cruz

Dialuna, pa mas of menos 5’or y 40 di atardi, Central a manda patruya na un cas na Macuarima pa un ladronicia (di un galiña y un gai). Eynan patruya a papia cu e dama R., kende a declara cu diadomingo, dos hoben (K. di 11 aña y S. di 13 aña) a bin su cas. E mucha hombernan kier a coy un gai di su casa. R a bisa e muchanan cu e gai ta di su casa y cu nan no por bay cun’e.
Su casa lo coy un otro gai pa e muchanan riba un otro dia. E siguiente dia, e mama di R., a declara cu e mesun dos muchanan a bolbe bin. E muchanan a puntr’e si e ta su so, cual e mama di R. a haya esaki hopi straño. Un rato despues e mama di R. a scucha cu e galiñanan tabata grita. Despues el a wak e dos muchanan ta core bay cu un galiña y un gai bao di brasa. Ora cu R. a bin cas, el a bay na e cas di un di e muchanan. R. no ta desea di duna keho di ladronicia, pero e kier su gai y galiña bek y pa e dos mucha hombernan wordo atendi. Na dicho cas, a papia cu S. y su tanta yama G., kende a declara cu su amigo a bay cu e gai y galiña y cu e tin nan na su cas.
Despues KA a bin hunto cu su mama yama MW hunto cu e gai y galiña.
K. a bin trece e gai y galiña bek. E dos hobennan a wordo atendi riba nan comportacion. Despues S. a bin hunto cu su mama yama DC na warda di polis na Santa Cruz. Aki el a wordo un biaha mas atendi riba su comportacion.

Comments

comments