HULIA, Colombia – Johan Sebastián Traslaviña, asina e hobencito yama, cu a bira victima di maltrato di parti di su mama y otro muhe, cu parce tabata pareha sentimental di e mama.
Segun informacion cu Noticias Caracol ta maneha, e hobencito tabata tin 5 aña. Na comienso e tabata biba cu su wela materno, pero un aña pasa el a bay biba cu su mama y e compañera sentimental di esaki, den e municipio di Campoalegre, Huila.
Eynan e menor a cuminsa haya maltrato, al parecer, bisiñanan a denuncia cu e muhenan tabata golpia e mucha constantemente.
Finalmente e mucha a muri door di un inflamacion na su buikvlies cu a wordo produci pa e golpinan fuerte na su barig, segun autopsia realisa.
Ministerio Publico a anuncia cu e muhenan lo wordo acusa di delito di homicidio y tortura grave. Ademas, autoridadnan lo pidi un pena di 80 aña di prizon pa nan dos.