PARIS, Francia – Segun un fiscal publico, el suicidio “parce di tabata relaciona cu e panico cu e mucha a sinti despues di cu’n maestro a hala su atencion pa e uzo di cel den klas”.
Un menor di 11 aña a comete suicidio door di bula for di un brug, despues di a sali for di scol secundario Bellevue, ubica den e comunidad di Beausoleil, den e departamento Frances di Alpenan Maritimo, segun e corant Le Figaro.
Segun e corant, e tragico hecho a tuma luga diahuebs. “E hoben, manera ta su custumber, tabata bayendo e parada di bus hunto cu dos amigo pa rumbo pa cas, ora cu el a bisa su amigonan cu e tin intencion di kita su bida”, e fiscal Jean-Michel Prêtre, cita pa e corant.
Prêtre a agrega cu “tur cos ta parce di ta relaciona cu e panico cu el a sinti despues di cu’n maestro a hala su atencion pa a saca of uza su celular den klas”, hecho pa cual el a wordo castiga pa e docente.
E compañeronan di klas a avisa e mayornan, pero ora cu nan abou investigacion door di autoridadnan.