MARRAKECH, Marroco – Dos adolescente Maroqui ta enfrente te cu tres aña di prizon bao di cargo di Lesbianismo despues cu nan a wordo descubri ta sunchi otro.
E hobennan di 16 y 17 aña, a wordo deteni despues cu nan a wordo mira ta sunchi y brasa otro riba dak di un cas na Marrakech siman pasa, Omar Arbib di e Asociacion Maroqui di Derechonan Humano, a informa den un comunicado, segun CNN Arabic a reporta.
Aunke ya nan a wordo libera, nan tin cu presenta na huicio diabierna bao di e articulo 489 di e Codigo Penal di Marroco, cu ta specifica cu “cualkier persona cu comete actonan no natural of lascivo cu otro individuo di e mesun sexo, mester wordo sentencia na entre seis luna y tres aña di prizon.”
E Asociacion Maroqui di Derechonan Humano a asigna un abogado pa defende e hobennan, Arbib a bisa.
Presunto maltrato
Arbib a bisa CNN Arabic cu e mama di e hobennan a bisa cu el a bishita su yiu muhe y a hay’e den e area di adulto di e prizon, unda cu segun e hoben, a wordo “maltrata pa e otro prizoneronan.”
Ora cu nan a wordo contacta pa CNN, autoridadnan Maroqui no a realisa comentario riba e caso di e hobennan.
En tanto, Arbib a reitera e demanda di e grupo pa aboli e articulo 489 pasobra “e individuonan no por wordo castiga basa riba nan inclinacion sexual.”
Human Rights Watch ya a pidi den ocasionnan anterior pa deroca e ley aki y otronan relaciona cu prohibi e relacionnan consensual entre adulto.
Fuente: CNN en Español