Diahuebs merdia, manera cu scol ta den su recta final pa caba, Central ta dirigi patruya na altura di Maria College pa un pelea grandi. Eynan nan no a haya nada en particular. Despues e mesun patruya a wordo manda pa La Salle College pa e mesun grupo cu lo a bringa na Maria College. Patruya a topa cu e grupo dilanti di misa y despues nan a wordo cori for di e sitio. Riba opdracht di central, dos hoben, JA y IM mester a wordo busca y hiba warda. Ambos damita tabata envolvi den e pelea. Personal di Imeldahof lo mester a busca ambos damita. Personal di Flexiteam a topa cu ambos na altura di Maria College den Dominicanessenstraat. Ambos a wordo hinca den patruya y hiba warda di Playa. Central a wordo poni na altura.