BOGOTA, Colombia- Autoridadnan Colombiano a haya un curpa desmembra di un mucha muhe di 13 aña den dos saco di sushi.
Expertonan forense a confirma cu e menor tabata victima di abuso sexual y tortura. E sospechoso principal ta ruman di crianza di e victima, cu ta deteni te ora pa mas investigacion.
Autoridadnan Colombiano dia 27 di juli ultimo a haya e curpa di e mucha muhe di 13 aña, corta na pida pida, den dos saco preto den un municipio di San Martin (departamento di Meta), centro di e pais.
Segun Mauricio Pedraza Rocha, corononel di e Departamento di Polis di Meta, e curpa di Angeles Daniela Parra, tabata tin golpinan ariba su curpa. Expertonan forense a cargo di e caso a informa cu e hobencita tabata victima di abuso sexual y tortura.
E mucha tabata desapareci diabierna atardi di dia 26 di juli for di e bario Algaborro, pero su mama a informa autoridadnan e siguiente dia. Despues di varios ora di buskeda, Angeles Daniela a wordo haya den e canal e dia siguiente.
E asesinato di Angeles a desata un ola di rechaso y repudio den e pais den varios parti di varios sector y autoridadnan civil. E Instituto Colombiano di Bienestar Familiar (ICBF) a pronuncia su mes a trabes di Twitter sperando di cu e investigacion lo trece claridad pronto y castigo pa e culpabelnan.