ORANJESTAD/SAN JUAN – Tabata siman pasa cu un famia di vakantie na Aruba a haya nan mes envolvi den un accidente, den cual un yiu muhe di e famia, a resulta seriamente herida, caminda cu el a perde un pia.
Despues di algun dia e criatura a wordo transporta cu Air Ambulance pa Puerto Rico, pa asina e por haya tratamento avanza den e hospital pediatrico.
Pronostico di e dokternan ta positivo. Si nan a bisa cu e ta bay ta un proceso largo , pero cu por spera bon resultado na final. A realisa varios operacion cual tur a resulta exitoso.
Si ta e caso cu Jednyellis ta den un coma induci ainda, pero cu prognosis positivo.
E ex polis cu a compaña Jednyellis lo bandona Puerto Rico durante dia di diabierna, pero ta spera di bolbe bek ora cu Jednyellis ta un poco mas recupera.