E hobencita Jednnielys Perez a ricibi un ‘walker’ y un protesis pa e pia cu el a perde den e accidente horibel aki.
E hobencita tabata tin un caminda largo di recuperacion y tiir cos ta mustra positivo pa un recuperacion total. Informenan cu ta yega for di Puerto Rico ta indica cu Jednnielys a ricibi un protesis pa su pia drechi, cual ta danki en parte na Home Orthopedics y su walker tabata cortesia di e compania AxisCare.
E hobencita a riba varios lesionnan, y tambe su pia drechi, ora cu un bus a bin dal contra di e UTV den cual e tabata aden y door di e impacto e ta wordo saca afo di UTV.
Despues di e accidente aki, e hobencita a bay den un coma induci pa asina e por a wordo atendi y transporta cu Air Ambulance pa Puerto Rico.
Jednnielys Perez tabata hunto cu su famia di vakantie na Aruba, mirando cu nan tabata ariba un crucero. Na e sitio di e accidente, a haci tur lo posibel pa mantene e mucha y un polis retira di New York, Sean Whalen, cu tabata di bishita ariba nos isla, y cu tabata testigo di e accidente, a brinda Jednnielys e prome auxilio.
Whalen tabata e persona tambe cu a core cu e gastonan di transporte di Air Ambulance, y despues a crea un cuenta riba GoFundMe pa yuda cu e recuperacion largo di e mucha. E meta ta pa recauda 25 mil dollar.