BAYAMON, Puerto Rico- E hobencita Jednnielys Perez Rivas, cu dia 16 di augustus tabata víctima di un accident teribel mientras cu e tabata di vakantie ariba nos isla, a sali di su coma induci y a reacciona positivamente cu impulsonan den su curpa.
For di e dia di e accidente, Jednnielys a bay den un coma induci pa dokternan. Despues di un par di dia a logra pa hib’e pa su tera natal, Puerto Rico, via transporte cu air ambulance.
Ultimo informenan cu nos a ricibi diamars ta cu e hobencita a habri su wowonan. Y e tin movimento den su curpa. E preocupacion cu e famia tin, ta cu diaranson nan lo haci un estudio cu e lo wordo someti na dje, pa asina sa su actividad celebral. Pero famia ta confia y tin speransa di cu tur cos lo sali bon.
Den e accidente, e menor a perde un pia y a wordo yuda door di paramediconan y tambe e polis retira di New York, Sean Whelan, cu tambe a paga pa su traslado aereo pa Puerto Rico.
Tambe e ruman homber di Jendyeliss tambe lo mester wordo someti na un tratamento psicologico, pa asina yud’e supera e trauma di accidente.
Recaudacion di fondo ta sigui pa asina yuda e famia cubri e gastonan medico y di hospital.