CARACAS, Venezuela- Wuilly Arteaga ta conoci na Venezuela como e ‘violinista di e protestanan’.
Tambe e ta manera un simbolo di e resistencia contra di e presidente, Nicolas Maduro. For di dia 27 di Juli e tabata preso den un comando militar. Diasabra Ministerio Publico a pidi un medida di libertad sustitivo y diamars anochi e fiscal nobo Tarek William Saab a anuncia su liberacion.
Den cuatro luna di protestanan antigubernamental cu a cuminsa na April, Wuilly a denuncia cu efectivonan di siguridad a kibra su fiyo, nan a golpi’e y nan a herid’e cu balanan di rubber den su cara.
Dia 27 di Juli el a wordo deteni door di militarnan durante un di dos ronda di welga nacional den rechaso na e Constituyente di Maduro.
El a wordo acusa di dos cargo: instigacion publico y posesion di sustancianan flamable. Su defensa a denuncia cu e musico di 23 aña na momento di su detencion tabata tin solamente su fiyo. Tambe nan a denuncia cu e hoben tabata victima di tratonan cruel.
Durante su casi tres simannan den prizon, e acceso na e hoben tabata limita.
Fuente: http://cnnespanol.cnn.com