Yamada ta drenta na Central di Polis pa un caso caminda cu jellyfish ta pica un persona. Na nan yegada polisnan ta bin haya un mucha muhe di mas o menos 16 aña drumi ariba un stoel di beach. Nan ta tuma nota cu e mucha muhe tur dos su rudianan tabata hincha y tambe su brasa banda drechi. Segun declaracion di e hoben, e no ta sigur si ta un Jelly Fish of algo otro. E hoben procedente di Argentina a wordo atendi door di personal di ambulans y transporta pa hospital. Mama y tanta di e hoben a wordo transporta door di patruya pa hospital. Polisnan a bay controla banda di lama, y a nota cu tabata tin tres persona den lama, pero esaki nan a declara cu nan no a mira nada. Central di Polis a wordo poni na altura.