Diadomingo atardi habitantenan di Sero Patrishi a scucha tiro a cay y a yama pidi asistencia di polis, di biaha a mobilisa varios unidad policial na e sitio. Pero prome cu polis a yega a keda informa cu den un yaris a hiba e victima pa hospital.
Mes momento a mobilisa unidad policial pa hospital y ta topa cu e hoben benta patras tur na sanger, polisnan a papia di biaha cu e chauffeur pa saca informacion kico a sosode na Sero Patrishi y a notifica pa recherche y departamento tecnico bin haci investigacion y saca potret di e auto cu a trece e hoben tira. Paramediconan di ambulance y dokternan di biaha a saca e victima for di den auto y bay cune paden cu sumo urgencia.
Na e sitio na unda e tiro a cay a cera e area pa recherche hunto cu departamento tecnico a haci nan investigacion. Polis a papia cu algun persona pa saca informacion kico a sosode.