TEXAS, Merca- Un hoben cu a sobrevivi e tiroteo masivo cual a tuma luga luna pasa den un torneo di videogame, diadomingo ta fayece den un accidente tragico na Texas.
Segun Nathan Brandley, vocero di e Departamento di Siguridad Publico local, e hoben a perde control di su vehiculo, bolter pa despues bay dal cay riba e railsnan di un train cercano. El a wordo identifica como Ryen Aleman di 25 aña.
Ryen tabata un di e participantenan di e torneo Madden NFL 19, cu a tuma luga dia 26 di augustus na Jacksonville, Florida, unda cu tabata tin un torneo masivo cual a laga tres persona morto.
El atacante tabata un participante di e torneo, rabia pasobra cu el a perde. Aleman a scapa di e tironan ora cu el a sconde den un baño.
“Mi lo bay disfruta di loke mas mi gusta haci. Dios a duna mi un di dos oportunidad y mi ta disfruntado di dje cada minuut. Niun hende sa ki ora bo ta bay, solamente disfruta di bida y semper haci loke bo gusta haci”, el a scirbi ariba su cuenta di Facebook despues di e incidente na Jacksonville.