CANTABRIA, Spaña – E Ingles malisimo di un instructor di “bungee jumping” a provoca cu’n hoben a bula y a perde su bida den e region di Cantabria, Spaña.
Asina documentonan a revela den un tribunal. Vera Mol, di 17 aña, a compronde cu “no jump” (no bula) pa “now jump (bula awo)” ora cu el a cay for di e brug, Cabezon de Sal. E hoben no tabata sigura na nada, apesar cu e tabata tin un cabuya na su pia. E tragedia a sosode na 2015.
Huesnan a cualifica cu e Ingles di e instructor tabata “macaronico.”
E investigacion a haya cu e instructor mester a bisa “Don’t Jump” pa evita confusion. E brug tampoco tabata autorisa pa e saltonan aki.
E compania encarga di e bulamento a bisa cu tabata un accidente.
Fuente: www.laopinion.com