THE BRONX, New York – Un scol na The Bronx a cancela su lesnan, despues cu diamars, un di su studiantenan di 14 aña a muri mey mey di un practica di futbol Americano.
Dominick Bess, miembro di e ekipo JV di Mount Saint Michael Academy, a collapse den e parke, y esey tabata pa 9’or y mey di anochi, durante un entrenamento di e pretemporada. Te cu asina leu, no sa kico por tabata e motibo.
E ekipo tabata mey mey di practica, cu no tabata implica contacto corporal.
E clima tabata cayente y humedo. Na e momento di perde conocimento, e menor tabata tin un jersey, carson cortico bisti.
Un entrenador a aplica CPR na e hungado. Mirando cu e no tabata reacciona, autoridadnan escolar a yama 911 y e adolescente a wordo hiba hospital, unda el a wordo declara morto.
“Nan a purba di rebib’e y na cierto punto, nan a logra. Nan a hib’e hospital, pero el a fayece,” omo di e menor Bertram Meade, a bisa ABC.
Oficina forense di e ciudad lo tin cu determina causa di morto.
Fuente: www.laopinion.com