ACRA, Ghana- E sucedido lamentabel aki a tuma luga den un riu di Ghana, y riba imagennan capta pa un telefon celular, por wak e hoben luchando pa bin bek ariba banda di e pastoor encarga cu e ceremonia religioso.
Yaw Kyeremeh, un hoben Ghanes di 20 aña, a muri hoga mientras e tabata participa den un ceremonia di bautismo Cristian den e riu Weija, den e ciudad di Acra. E sucedido lamentabel aki a tuma luga diadoming mei mei di e ceremonia religioso, e hoben a bay bou di awa y a purba di mantene su mes ariba, pero sin exito, y a dal tene na e pastoor encarga cu e ceremonia, segun un medio local.
E momento teribel aki a wordo graba pa un espectador cu su telefon celular. E imagennan ta mustra e prome biaha cu Kyeremeh ta bay bou di awa, di e tresnan cu ta coresponde na e sacramento. Pero e no por a sigui. Desde e momento ey, e pastoor desesperadamente a pidi auxilio na e feligresnan.
Personanan cu tabata pafo di e riu a purba yuda pero unicamente e pastoor por a landra bay bek na canto. E curpa di e hoben a disparce. A pesar di e profundidad di e awa, e cadaver a wordo haya y hiba morgue, pa su siguietne dia.
E unidadnan di control a anuncia cu e pastoor a wordo adverti di e condicionnan di e luga y a conseh’e pa no bay den e parti di e riu ey. Te na e momento, tin un persona deteni y polis ta buscando e pastoor principal di e iglesia involucra den e bautismo pa deten’e pa e asumi e responsabilidad.
Sin embargo, den una entrevista e ruman di e victima a afirma cu nan no ta pretende di culpa niun hende di e sucedido, ya cu su ruman ta morto y nan lo laga e asunto “den man di Dios”.