LONDON, Reino Uni- Un adolescente yama Kacper Krauze, di 13 aña, a spierta for di un coma di varios siman, despues di a haya holo di su desodorante faborito, di marca Lynx, den e hospital di Newcastle, Reino Uni, unda cu e tabata interna.
Na februari ultimo, mientras cu e tabata den kayak hunto cu algun amigo den r eiu Eden, e condado di Cumbria, Krauze a cay den awanan friu, unda el a keda pa 25 minuut. Despues di a wordo rescata y reanim’e, el a wordo interna den hospital den estado di coma.
Despues di a purba varios biaha di spiert’e, e mama di e hoben a aplica su deodorante faborito y diripiente, Krauze a habri su wowonan. E mama a splica cu’n nurse a recomenda pa trece su articulonan di higiene personal pa ora e caba di wordo. “Manera cu mi a uza e Lynx ariba su cupra, el a habri su wowonan di biaha. E lo a corda cu esey ta su holo preferi”, e mama a conta.
“Di berdad mi ta gradicido na tur e dokternan y nursenan pa a salba mi bida”, Krauze a bisa. Ainda e tin poco problema pa papia y tambe na su man drechi.