OTTAWA, Canada – Un adolescente Canades a hoga durante les di landamento di su scol y niun docente y niun di su compañenan di klas cu kende e tabata siña landra, no a haya su falta. E tragedia a tuma luga na februari e aña aki, pero ta te awo cu e detayenan di e caso a wordo revela den un informe forense divulga dialuna ultimo, segun The Hufftington Post.
E mainta di 15 di februari, Blessing Claude Moukoko, di 14 aña di edad, tabata participando den su di tres les di landamento na su scol. Manera hopi otro mucha, e menor ainda no a siña landa. Segun su compañenan di scol, Blessing tabata tin problema pa mantene su cabes riba awa y pa pasa e parti mas hundo di e pool.
Niun hende no a sinti su falta despues di cu e les di landamento a caba y tur hende a bay. Su morto a wordo descubri ora cu’n di dos grupo a yega pa nan les di landamento y e alumnonan a ripara un curpa den fondo di lama, pensando cu tabata trata di un mannequin.
E adolescente a pasa 38 minuut bou di awa, segun e reporte forense a señala, despues di cual su curpa a wordo saca for di awa y a dun’e CPR, según New York Post.
Despues di esaki, el a wordo hiba pa un hospital unda el a fayece seis dia despues.
E informe di e forense a urgi autoridadnan pa revisa programanan di instruccion di landamento actual, centrando e focus no den adkisicion di habilidadnan tecnico, sino den e siguridad den awa.