BRAZIL – Tabata tin mal contento riba medionan social na Brazil riba un video unda cu por a mira un cavia den un microwave sendi. E video a wordo poni online pa e hoben di 16 aña Vitoria Muller. E mucha muhe a ricibi masha hopi critica.
Riba Twitter na Brazil tabata tin e hashtag “straf Vitoria”, rapidamente viral. Hendenan no por a kere cu e mucha muhe realmente a dicidi pa “keinta” e cavia. Rapidamente Vitoria a delete tur su cuentanan online, despues cu el a ricibi un avalancha di reaccionnan negativo.
Cavia no a keda herida
E tata di e mucha muhe, a mustra riba medionan social cu el a straf su yiu muhe y a manda un disculpa. “E ta bayendo bon cu e cavia y den nomber di henter mi famia, mi ta extende mi excusanan.”
E cavia a wordo confisca pa autoridadnan y a wordo hiba na un clinica di bestia. Eynan nan a constata cu e bestia no a wordo herida.
Fuente: http://www.telegraaf.nl/