Un hoben Danes cu tabata haciendo un investigacion pa un les di geschiedenis, a haya e restonan di un avion Aleman, di Segunda Guerra Mundial cu e restonan di e piloto den e cabina.
Daniel Kristiansen, di 14 aña y su tata, Klaus a descubri loke nan ta kere ta un avion di combate Messerschmitt dera den un campo riba nan tereno cerca di Birkelse, noord di Dinamarca.
Nan a sali cu’n metal detector, sperando di haya algo cu e hoben lo por a mustra su klas, pero nan a haya mas cu esey. Nan a haya e restonan di un avion, pa cual nan a fia un bulldozer di un bisiña y asina nan a coba casi 8 meter.
“Na comienso nos a saca un cantidad grandi di sushi, cu pidanan chikito di metal. Diripiente, nos a haya weso y pida paña”, segun Kristiansen. “Ta como sifuera mi a habri un buki di antaño”.
Kristiansen a recorda cu su welo, cu a biba riba e hacienda durante Segunda Guera Munidal a bisa cu un avion Aleman lo a cay riba nan tereno.
Semper el a kere cu tabata historianan di antes, pero nada real.
Curator di e Museo Historico di Jutlanda, cu actualmente ta den posesion di e restonan mortal di e pilot, como tambe e avion, a bisa cu pronto nan lo por confirma e identidad di e pilot.
E embahada Aleman a wordo informa di e hallazgo.