RABAT, Marruecos- Un adolescente cu a core bay direccion di e caravana cu tabata transporta rey Mohammed VI di Marruecos y papa Fransisco tabata tin e intencion di “yega cerca e rey debi na un problema di salud di su mayornan”, e agencia di siguridad nacional di Marruecos a bisa.
E hoben di 17 aña a viola e siguridad y a core bay na e auto di e rey. Esaki a tuma luga diasabra na Rabat y por wordo mira ariba un video di e escena, prome cu el a wordo stroba door di e personal di siguridad.
E Oficina di Siguridad General di Marruecos a bisa cu e hoben a wordo deteni.
Kico lo pasa awo cu e hoben, no ta mucho cla
Papa Fransisco a pasa e fin di siman aki den un bishita oficial na Marruecos, unda el a purba cera e diferencia entre e poblacion musulman di e pais, cu ta mayora y e poco residentenan catolico.
“Mi amigonan Marokki stima, mi ta bin como peregrino di paz y fraternidad”, e pontifice a bisa den un tweet prome cu su bishita.
“Cristian – y musulmannan ta kere den Dios, e creador y e misericordioso, cu a crea e personanan pa biba como ruman, respetando otro mutuamente den nan necesidadnan”, el a bisa.
Mas laat, el a dilanti un multitud den e capital, Rabat, prome cu el a reuni cu lidernan islamico.