Diasabra den careda di 10:30 anochi riba green corridor net riba e brug direccion pa rotonde Balashi ta sosode un accidente fuerte, di biaha a mobilisa polis cu urgencia. Caminda tabata pega un momento debi cu un swift tabata completamente destrui memei caminda.
Ta trata di un mucha homber jong tras di stuur a perde control debi na otro vehiculo segun su version, y a pone dal na varios ocasion riba e vangrailnan tanto pazuid y panort di caminda y asina e auto a keda destrui y un riem completamente destrui.
Polis di trafico tambe a presenta na e sitio pa tuma dato, caminda a keda cera te ora cu takelwagen di seguro a presenta pa kita e auto for di riba caminda. Rapid responder di ambulance a presenta pa brinda asistencia te ora cu ambulance a keda liber debi cu tabatin mas asistencia di urgencia pasando.
Takelwagen a logra kita e auto kibra for di riba caminda te ora cu caminda a keda liber esaki a keda habri bek pa trafico.