Hoben sunu a kibra porta di hotel

Diaranson, pa mas of menos 4’or y 52 di marduga, Central a dirigi patruya durante nachtdienst na un hotel grandi caminda cu lo tabata tin un hoben sunu y full bruha. Na e sitio polis a wordo dirigi pa di cinco piso, caminda cu e hoben tabata bao di control door di otro security.
Polis a wordo informa riba e hecho cu e hoben aki un rato prome a kibra un porta di e suite di hotel. Testigonan di esaki tabata e supervisor P y tambe e security VK, kndenan a conta cu e melding a bin di un huesped cu ta kedando den e camber, caminda cu el a declara cu un hoben desconoci tabata dal duro riba e porta y a pidi pa awa. E hoben tabata completamente sunu. Na e momento ey testigonan a yega y a cana bay for di nan direccion pa e suite. Seguidamente e hoben, cu hopi violencia a kibra e porta di e camber y tabata para den e suite di e huesped. E hoben parce cu tabata un conocido pa polis, pasobra dos dia prome ya caba e tabata cera na warda di Shaba den cuadro cu posibel psicosis. El a wordo busca pa su amiga e momento ey. Nan a keda na Coconut Inn na Noord. Awo nan lo mester ta kedando den e hotel mes of un otro den vecindario. Esaki te awor aki no ta conoci. E hoben, yama DLS, cu a worod deteni pa destruccion. Mirando cu e sospechoso tabata comporta agresivo, tabata mustra poco cooperacion y no tabata razona, a wordo obliga di wordo poni na boei y hinca den transport wagen. E mesun cos a sosode na warda di Shaba, caminda cu el a wordo hiba. E sospechoso a wordo presenta dilanti di fiscal auxiliar y despues encarcela pa mas investigacion.

Comments

comments