Diabierna anochi riba caminda di Cunucu Abou a keda registra un accidente entre auto y brommer. Tabata un hoben sin rijbewijs riba un brommer sin luz ta bay pasa un auto tur cu tin na su banda robes, y net e momento ey e auto ta lorando na su man robes. E brommer a pasa dal e auto y e hoben a bula algun meter casi pega den wayanan di coriente, y bin abou di golpi fuerte.
E hoben a resulta herida, el a scapa di su morto. E señora den e lancer a comenta prome cu el a lora e no a wak nada su tras y a sinti solamente golpi y mira e mucha homber bula basta halto bin abou. Ambulans a presenta pa atende cune, polis di trafico a yega na e sitio pa tuma dato, brommer sin documento y presta di hende y e manehado hoben sin rijbewijs.