ZAKYNTHOS, Grecia – Un hoben Mericano a muri despues di un golpi brutal cu 10 hmber a propoin’e, den un bar di e isla Griego di Zakynthos.
E victima, identifica como Bakari Henderson, di 22 aña, tabata hunto cu su amigonan den un bar riba e isla di Zakynthos diabierna ultimo.
Na e luga, un homber a acerk’e y a cuminsa discuti, e gerente di e bar a pidi nan pa nan retira y ya, riba caba, e discusion a subi di tono y otro nuebe homber a cuminsa golpia e turista Mericano, te provoca su morto, segun e agencia di noticia estatal ANA-MPA, a splica.
Morto di Henderson a wordo notifica diasabra na e Embahada di Merca na Grecia.
Polis a logra captura solamente dos sospechoso di a golpia Henderson, kende recientemente a gradua cu Licenciatura den Finansas empresarial na e Universidad di Arizona.
E hoben Mericano a biaha pa Grecia pa traha den un serie di potret pa un liña nobo di paña, su famia a a bisa e filian Griego di CNN, KXAN.
“Bakari tabata gusta pasa su tempo cu su famia y amigonan, biaha y conoce hende. E tabata un gran pensador y a disfruta di e creacion di negoshinan nobo (…) El a stima bida y a bibe den lo maximo,” famia di e victima a splica, segun e agencia Notimex, a publica.
A trabes di un comunicado, presidente di e Universidad di Arizona, Robert C. Robbins a expresa su condolencianan pa e morto di e recien graduado.
“Nos tur na e Universidad di Arizona ta conmociona y tristo pa perdida di nos reciente graduado, Bakari Henderson. Nos curason y nos oracionnan ta cu su amigo y famianan,” Robbins a bisa.
E isla Zakynthos ta un di e atraccionnan turistico cu Grecia tin pa su beachnan, su klifnan atractivo y cuebanan den lama.
Fuente: www.laopinion.com