Diamars atardi personal di United Airlines biniendo for di Newark a raporta na toren di Aeropuerto Internacional Reina Beatrix cu nan ta yegando Aruba cu un persona hoben masculino cu no ta dunando señal di bida. Manera e avion a touch tera y staciona na e gate e personalnan y polis di frontera a bay. Ta trata di un hoben Mericano di 24 aña naci na 1996.
E pareha di e hoben a constata cu su homber ta keto pa basta rato y ora a lanta for di soño a tuma nota cu e no ta lanta y ni move y ta unda a bati alarma y un CPR a tuma luga den e avion.
E curpa a keda tuma den beslag pa investigacion pa sa kico ta e causa, polis a transporta e famia pa funeraria y personal di slachtofferhulp a presenta na Airport pa atende cu e famia den e momentonan dificil.